Մաքսային իրավունք
Հայաստանի Հանրապետությունում արտաքին տնտեսական կապերի զարգացմանը զուգընթաց աճում է ներմուծում և արտահանում իրականացնող անձանց թիվը, և յուրաքանչյուր դեպքում անհրաժեշտություն է առաջանում իրականացնել ներմուծվող և արտահանվող ապրանքների մաքսային ձևակերպումների /մաքսազերծման/ հետ կապված գործընթացներ:
Հաշվի առնելով առանձին ապրանքատեսակների մաքսային ձևակերպումների առանձնահատկությունները, ելնելով ներմուծում և/կամ արտահանում իրականացնող անձի նպատակից, ճիշտ մաքսային ռեժիմ և մաքսային արժեքի որոշման մեթոդ ընտրելու կարևորությունը , բեռների զննման և ապրանքների հետբացթողումային հսկողության հետ կապված հնարավոր խնդիրների առկայությունը, մաքսային օրենսդրությունը խախտելու համար սահմանված խիստ պատասխանատվությունը, անհրաժեշտություն է առաջանում մաքսային ձևակերպումները կատարել ՀՀ մաքսային օրենսդրության պահանջներին համապատասխան, որպեսզի ապրանքները մաքսազերծելիս կամ հետբացթողումային հսկողություն իրականացնելիս անձի համար օրենքով նախատեսված բացասական հետևանքներ չառաջանան:
"Կոնցեռն-Դիալոգ" Փաստաբանական ընկերության մասնագետները Ձեզ կտրամադրեն խորհրդատվություն մաքսային իրավանորմերով կարգավորվող ցանկացած ոլորտում և կցուցաբերեն իրավական աջակցություն՝ հնարավորինս արդյունավետ և առանց ժամանակի ու ֆինանսների ավելորդ կորուստների իրականացնելու մաքսային ձևակերպումներ:
Մաքսային իրավունքի ոլորտում առաջարկում ենք հետևյալ ծառայությունները.
- Մաքսային իրավունքի հարցերի վերաբերյալ խորհրդատվություն
- Իրավական աջակցություն մաքսային ձևակերպումներ իրականացնելու ցանկացած փուլում.
- Մաքսային մարմիններ ներկայացվող դիմումների պատրաստում, այդ թվում նաև ապրանքի մաքսային արժեքի որոշման գործարքի գնի մեթոդի կիրառման /ՀՀ մաքսային օրենսգրքի 87 հոդված/ թույլտվություն ստանալու դիմում.
- ՀՀ մաքսային մարմիններից մաքսային ձևակերպումների համար անհրաժեշտ որևէ թույլտվություն ստանալու համար անհրաժեշտ փաստաթղթերի փաթեթի հավաքում.
- Մաքսային իրավունքի հարցերով ներկայացուցչություն ՀՀ Պետական եկամուտների կոմիտեում և այլ մաքսային մարմիններում,
- Դատական ներկայացուցչություն մաքսային իրավունքի հարցերով (միջամտող ակտերի վիճարկում, գործողությունների պարտավորեցնելու հայցեր և այլն):
