Միջազգային համաժողով «Մեդիացիայի զարգացումը Հայաստանում. օրենսդրական և ինստիտուցիոնալ հիմքերի ստեղծումը» թեմայով
02/12/2012
ՀՀ արդարադատության նախարարի տեղակալ Արամ Օրբելյանը նշեց, որ ՀՀ իրավական և դատական բարեփոխումների 2012-2016թթ միջոցառումների ծրագրում նույնպես որոշակի նշանակություն է տրվել վեճերի այլընտրանքային լուծման ձևերին, մասնավորապես՝ մեդիացիային:
2012թ. դեկտեմբերի 5-ին «Կոնցեռն-Դիալոգ» փաստաբանական գրասենյակի տնօրեն Սեդրակ Ասատրյանը և ավագ իրավաբաններ Գևորգ Հակոբյանն ու Սուրեն Գոմցյանը մասնակցեցին «Մեդիացիայի զարգացումը Հայաստանում. օրենսդրական և ինստիտուցիոնալ հիմքերի ստեղծումը» թեմայով միջազգային համաժողովին: Համաժողովը կազմակերպել էին ԷյԴիԱր Փարթներս ընկերությունը և Աշխատանքի իրավունքի պաշտպանի (հաշտարարի) գրասենյակը ՀՀ արդարադատության նախարարության աջակցությամբ և «Աջակցություն Հայաստանում արդարադատության մատչելիությանը» համատեղ ծրագրի շրջանակներում:
Համաժողովի ընթացքում քննարկվեցին հետևյալ հարցերը.
- մեդիացիայի օրենսդրական և կիրառական խնդիրները ՀՀ-ում,
- «Մեդիացիայի մասին» օրենքի նախագծի և ՀՀ Քաղաքացիական դատավարության օրենսգրքի փոփոխությունների ներկայացումը և քննարկումը,
- մեդիացիայի վերաբերյալ միջազգային փորձի ներկայացումը
«Կոնցեռն-Դիալոգի» նախկին փոխտնօրեն, ՀՀ արդարադատության նախարարի տեղակալ Արամ Օրբելյանն իր ելույթում նշեց, որ ՀՀ իրավական և դատական բարեփոխումների 2012-2016թթ միջոցառումների ծրագրում նույնպես որոշակի նշանակություն է տրվել վեճերի այլընտրանքային լուծման ձևերին, մասնավորապես՝ մեդիացիային: «Սա դատական իշխանության բեռնաթափման ուղղված գործողություններից մեկն է, սրան զուգահեռ պետք է զարգանան այլընտրանքային վեճերի լուծման այլ մեթոդներ, ինչը կհանգեցնի վեճերի արդյունավետ լուծման, ռեսուրսների խնայողության»- ասաց արդարադատության փոխնախարարը:
Օրիգինալ հրապարակումը՝ Միջազգային համաժողով` «Մեդիացիայի զարգացումը Հայաստանում. օրենսդրական և ինստիտուցիոնալ հիմքերի ստեղծումը» թեմայով @ ՀՀ Արդարադատության նախարարության կայք-էջ
Մանրամասները՝ Մեդիացիայի վերաբերյալ միջազգային համաժողով @ ADR Partners